Oýun sanawy
Awazada Türkmenistanyň, Azerbaýjan Respublikasynyň we Özbegistan Respublikasynyň ýokary derejedäki duşuşygy geçirilýär
22 Awgust. 12:152025-nji ýylyň 22-nji awgustynda Hazar deňziniň kenarynda ýerleşýän «Awaza» milli syýahatçylyk zolagynda Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedowyň, Azerbaýjan Respublikasynyň Prezidenti Ilham Aliýewiň we Özbegistan Respublikasynyň Prezidenti Şawkat Merziýoýewiň gatnaşmagynda üçtaraplaýyn sammit geçirildi. Duşuşykda söwda-ykdysady, ulag-aragatnaşyk, energetika we ynsanperwer ugurlarda hyzmatdaşlygy ösdürmegiň meseleleri ara alnyp maslahatlaşyldy.
Geňeşmelerden soňra üç döwletiň arasyndaky özara bähbitli gatnaşyklary berkitmäge gönükdirilen birnäçe bilelikdäki resminamalaryň gol çekilmegine garaşylýar. «Awazada» dürli görnüşlerde, şol sanda birtaraplaýyn duşuşyklar hem-de toparlaýyn gepleşikler hem geçirildi.
Sammitiň bu ýerde geçirilmegi Awazanyň halkara derejeli hyzmatdaşlyk we strategik dialog üçin möhüm merkez hökmündäki ähmiýetini ýene bir gezek açyp görkezdi.
Şeýle hem okanyň
Türkmenistanyň Daşary işler ministri GDA-nyň Baş sekretary bilen duşuşyk geçirdi
10 Sen. 12:42Türkmenistanyň daşary işler ministri Raşid Meredow GDA-nyň Ykdysady geňeşiniň 111-nji mejlisine gatnaşmak üçin ýurdumyza gelen Garaşsyz Döwletleriň Arkalaşygynyň Baş sekretary Sergeý Lebedew bilen duşuşdy. Bu barada Türkmenistanyň daşary syýasat edarasynyň metbugat gullugy habar berýär.
Gepleşikleriň dowamynda taraplar 2026-njy ýylda Türkmenistanyň Arkalaşykdaky başlyklygynyň ileri tutulýan ugurlaryny iş ýüzünde durmuşa geçirmek hem-de GDA-nyň çäklerinde amaly hyzmatdaşlygy giňeltmek meselelerini maslahatlaşdylar.
Duşuşykda 2026-njy ýylyň 7-nji we 9-njy oktýabrynda «Awaza» milli syýahatçylyk zolagynda geçiriljek GDA-nyň Daşary işler ministrleriniň Geňeşiniň we Döwlet Baştutanlarynyň Geňeşiniň mejlislerine taýýarlyk hem-de olaryň guramaçylyk meselelerine aýratyn üns berildi.
Söhbetdeşligiň ahyrynda taraplar köptaraplaýyn hyzmatdaşlygy mundan beýläk-de pugtalandyrmak üçin bilelikdäki amaly işleri dowam etdirmäge taýýardyklaryny tassykladylar.
Blitz