Oýun sanawy
Türkmen dizaýnerleri Parižde geçiriljek halkara moda sergisine gatnaşarlar
27 Awgust. 13:57Türkmenistanyň dört sany dizaýneri we brendi 5–7-nji sentýabr aralygynda Fransiýanyň paýtagty Pariž şäherinde geçiriljek «Who’s Next» halkara moda sergisinde öz täze kolleksiýalaryny köpçülige hödürlär. Döredijilik işleri serginiň «W10» diwarlygynda, «Ready-to-Wear» bölüminde görkeziler. Bu barada «Biznes Türkmenistan» neşiri habar berýär.
Türkmen ussatlarynyň bu abraýly çärä gatnaşmagy Ýewropa Bileleşiginiň maliýe goldawy bilen Halkara söwda merkezi tarapyndan guramaçylykly amala aşyryldy. Sergide milli dizaýnerler Türkmenistanyň däp bolan senetçilik sungatyny döwrebap stilistik çözgütler bilen utgaşdyryp, halkara köpçüligine hödürlärler.
Serginiň çäklerinde Mukaddes Ibragimowa nagyşly ýüpekden, denimden we ikat matalaryndan ýasalan döwrebap klassiki eşikleri tanyşdyrar. «Desert Heritage» brendi tebigy boýaglar bilen boyalan pagta, zygyr, ýüpek hamala düýe ýüňünden el bilen taýýarlanan önümlerini görkezer. Şeýle hem «AYM» brendi Nusaý ýadygärliklerinden ylham alnyp, el keşdesi çekilen zygyr eşikleri, «Binaým» brendi bolsa peçwork tehnikasynda taýýarlanan jins önümlerini hödürlär.
Bu halkara sergisi türkmen dizaýnerleriniň döredijiligini dünýä auditoriýasyna tanyşdyrmak hem-de daşary ýurtly hyzmatdaşlar bilen täze söwda-ykdysady gatnaşyklary ýola goýmak üçin möhüm meýdança öwrüler.
Şeýle hem okanyň
Günorta afrikaly ýazyjy emeli aňyň kömegi bilen 370-den gowrak kitap neşir edip, 1 million dollar gazandy
24 Okt. 13:11Koral Hart lakamy bilen tanalýan günorta afrikaly ýazyjy soňky 20 aýyň dowamynda emeli aň ulgamlarynyň kömegi bilen 371 sany kitaby ýazyp, neşir etmegi başardy. Yerli «EWN» radiosynyň habar bermegine görä, öň 14 ýyllap neşirýat ulgamynda zähmet çeken awtor 2025-nji ýylyň fewralynda emeli aň teknolojialaryny özleşdirip, gysga wagtyň içinde doly derejeli romanlary döretmäge mümkinçilik berýän hususy ulgamyny işläp düzdi. Ýazyjy her bir eseriň sýužetini, stiline hem-da каarakterlerini özi kesgitläp, emeli aňa meýilnama berýär, alnan garalama bolsa jemleýji tapgyrda awtor tarapyndan redaktirlenýär.
Täze romany döretmek üçin emeli aňa bary-ýogy 45 minut töweregi wagt gerek bolup, taýýar tekst iki gezek neýroulgamdan geçirildikden soň adam tarapyndan okalyp, neşire taýýarlanýar. Awtor öz kitaplarynyň 1 milliondan gowrak nusgasyny satmagy başardy we 2026-njy ýylda 1 million dollardan gowrak peýda gazandy. Ýazyjynyň emeli aň bilen bilelikde döreden söýgi romanlarynyň biri hatda «Amazon» platformasynyň iň geçginli 100 bestselleriniň hataryna girmegi başardy.
Häzirki wagtda Koral Hart öz eserlerini sanly, çap edilen we audio formatlarda okyjylara hödürleýär hem-da özüni täjirçilik edebiýatynda täze eýýamyň düýbüni tutujy hökmünde görkezýär. Şeýle hem ol emeli aňdan peýdalanmak ýoly bilen kitap ýazmak dyesinde beýleki awtorlar üçin «Authorythm» diýlip atlandyrylýan ýörite programma üpjünçiligini taýýarlaýar. Bu täsin tejribe edebiýat äleminde emeli aňyň amaly mümkinçilikleriniň täze sahypasyny açdy.
Blitz