Oýun sanawy
Türkmenistanyň we Russiýanyň daşary işler ministrleri Antalýada duşuşdylar
19 Aprel. 04:30Bäşinji Antalýa diplomatik forumynyň çäklerinde Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda gepleşikler geçirildi. Taraplar bu halkara çäresiniň meýdançasynda döwletara gatnaşyklarynyň möhüm meselelerini jikme-jik ara alyp maslahatlaşdylar.
Gepleşikleriň barşynda iki ýurduň daşary syýasat edaralarynyň ýolbaşçylary strategik hyzmatdaşlygy mundan beýläk-de çuňlaşdyrmaga ygrarlydyklaryny ýene bir gezek tassykladylar. Taraplar iki döwletiň arasyndaky gatnaşyklaryň häzirki derejesine ýokary baha berip, özara düşünişmegiň ähmiýetini bellediler.
Duşuşykda halkara gün tertibiniň we sebit howpsuzlygynyň möhüm ugurlary boýunça pikir alyşmalara aýratyn orun berildi. Diplomatlar dünýädäki ýagdaýlar we abraýly halkara guramalarynyň çäklerinde özara goldaw bermegiň mümkinçilikleri barada maslahatlaşdylar.
Taraplar ikitaraplaýyn hyzmatdaşlygyň geljekki ugurlaryny hem anykladylar. Söwda-ykdysady gatnaşyklary ösdürmek, täze bilelikdäki taslamalary durmuşa geçirmek we medeni-ynsanperwer ulgamdaky hyzmatdaşlygy giňeltmek boýunça işleri işjeňleşdirmek barada ylalaşyldy.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Blitz