Oýun sanawy
Türkmenistan bilen Eýranyň DIM ýolbaşçylary telefon arkaly gepleşik geçirdiler
24 Mart. 04:09Türkmenistanyň daşary işler ministri Raşid Meredow Eýranyň daşary syýasat edarasynyň ýolbaşçysy Abbas Aragçi bilen telefon arkaly gepleşik geçirdi. Söhbetdeşlik wagtynda taraplar özara hyzmatdaşlygyň möhüm ugurlaryny we gyzyklanma döredýän meseleleri ara alyp maslahatlaşdylar. Bu barada resmi çeşmeler habar berdi.
Gepleşigiň başynda ministrler Nowruz mynasybetli biri-birini gutlap, iki ýurduň halklaryna parahatçylyk, abadançylyk we ösüş arzuw etdiler.
Mundan başga-da, gepleşikde ynsanperwer hyzmatdaşlyk meselesine aýratyn üns berildi. Eýran tarapy Gurbanguly Berdimuhamedow adyndaky haýyr-sahawat gaznasynyň üsti bilen Eýranyň çagalaryna ýetirilen kömek üçin minnetdarlyk bildirdi. Eýranly ministr bu ädimiň hoşniýetli gatnaşyklaryň nyşanydygyny belläp, ynsanperwer ugurdaky hyzmatdaşlygyň ähmiýetini aýratyn nygtady.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Blitz