Arkadag şäherinde futbol eminleriniň hünär derejesini ýokarlandyrmaga gönükdirilen FIFA-nyň halkara okuw maslahaty geçirildi. Alty günüň dowamynda — 2026-njy ýylyň 30-njy iýulyndan 4-nji awgustyna çenli dowam eden bu okuw treningi täze oýun düzgünlerini öwrenmäge ham-da hünärmenleriň amaly başarnyklaryny kämilleşdirmäge şert döretdi. Okuw maksatnamasy üç esasy ugra: düzgünleriň ulanylyşyny öwrenmäge, eminligiň hilini we tarapgöýsüzligini ýokarlandyrmaga hem-de eminleriň fiziki we taktiki taýýarlygyny ösdürmäge gönükdirildi.

Maksatnamanyň çäklerinde eminler ýöriteleşdirilen fiziki we professional testleri tabşyrdylar hem-de çylşyrymly oýun ýagdaýlarynyň jikme-jik wideoseljermelerine gatnaşdylar. Bu format dawaly we çylşyrymly pursatlarda FIFA-nyň häzirkizaman talaplaryna laýyklykda dogry hem-de çalt çözgüt kabul etmek başarnyklaryny kämilleşdirmäge mümkinçilik berdi.

Okuw maslahatyna gatnaşyjylar alnan bilimleriň we amaly maslahatlaryň örän peýdaly bolandygyny bellediler. Olaryň nygtamagy boýunça, özleşdirilen täze usullar milli çempionatyň duşuşyklarynda hem-de halkara derejesindäki ýaryşlarda eminligiň durnuklylygyny, hiliň ýokarlandyrylmagyny we adalatlylygy üpjün etmäge uly ýardam eder.