2026-njy ýylyň 15-nji awgustynda Hindistan Respublikasynyň Türkmenistandaky ilçihanasynda ýurduň Garaşsyzlyk gününiň 80 ýyllygy mynasybetli dabaraly çäre geçirildi. Bu baýramçylyk çäresine Türkmenistanda ýaşaýan hindistanly ildeşler toplumynyň agzalary hem-de hindistan dostlary we hyzmatdaşlary uludan gatnaşdylar.

Dabara «Wande Mataram» atly Hindistanyň milli aýdymyny bilelikde ýerine ýetirmek bilen başlandy. Soňra Ilçi Bandaru Wilsonbabu tarapyndan Hindistanyň Döwlet baýdagy galdyryldy we Döwlet senasy ýerine ýetirildi. Ilçi baýramçylyk çykyşynyň dowamynda Hindistan Respublikasynyň Prezidenti Draupadi Murmunyň halka ýüzlenmesini okap berdi we Hindistanyň Türkmenistan bilen köpasyrlyk dostlukly gatnaşyklary hem-de hyzmatdaşlygy mundan beýläk-da berkitmäge ygrarlydygyny tassyklady.

Çäräniň çäklerinde ýörite Ýoga görkezme çykyşlary hamda watançylyk aýdym-sazlary hödürlendi. Şeýle hem «Bharat Ko Janiye» diýlip atlandyrylan baýramçylyk bäsleşiginiň ýeňijileri Ilçi tarapyndan dabaraly ýagdaýda sylaglandy. Mundan başga-da, «Wande Mataram» aýdymynyň 150 ýyllygyna bagyşlanan «Har Ghar Tiranga» sergisi guralyp, çäre milli tagamlaryň hödür-kermi bilen tamamlandy.

Aşgabat şäherinde geçirilen bu dabaraly çäre iki ýurduň arasyndaky medeni-ynsanperwer diplomatik gatnaşyklary berkitmekde, halklaryň arasyndaky dostlugy we özara düşünişmegi terbiýelemekde nobatdaky möhüm ädime öwrüldi.