Oýun sanawy
Bahreýn 2026-njy ýyldaky göreş boýunça dünýä çempionatyny geçirmekden ýüz öwürdi
27 Aprel. 08:02Bahreýn döwleti 2026-njy ýylyň sentýabr aýynda Manama şäherinde geçirilmegi meýilleşdirilen göreş boýunça dünýä çempionatyny kabul etmekden ýüz öwürdi. Bu barada Russiýanyň sport göreşi federasiýasynyň prezidenti Mihail Mamiaşwili habar berdi. Onuň sözlerine görä, abraýly ýaryşyň täze geçiriljek ýeri ýakyn wagtda halkara derejesinde kesgitlener.
Çempionaty özünde kabul etmäge häzirki wagtda bäş-alty sany döwlet uly gyzyklanma bildirýär. Dalaşgärleriň arasynda Aziýa sebitinden Özbegistan, Gazagystan we Gyrgyzystan ýaly ýurtlar bar. Şeýle hem birnäçe Ýewropa döwletleri ýaryşy guramaga taýýardyklaryny bildirdiler. Emma Mammiaşwili ýaryşyň Aziýa ýurtlarynyň birinde geçirilmeginiň has ähtimaldygyny belleýär, sebäbi çempionat başda bu sebit üçin meýilleşdirilipdi.
Göreş boýunça dünýä çempionaty sport äleminde iň möhüm ýaryşlaryň biri hasaplanýar we oňa gyzyklanma bildirýän ýurtlaryň köplügi ýaryşyň ýokary derejesinden habar berýär. Täze öý eýesi baradaky gutarnykly karar sport janköýerleri tarapyndan uly sabyrsyzlyk bilen garaşylýar.
Şeýle hem okanyň
«Microsoft» kompaniýasy 60 müňe golaý işgärine öwez tölegi bilen meýletin işden çykmagy teklip etdi
Bugün 09:12«Microsoft» korporasiýasy ABŞ-da, Kanadada, Beýik Britaniýada we Hindistanda zähmet çekýän 60 müň töweregi zähmetkeşine degişli öwez töleglerini tölemek şerti bilen işden meýletin gitmek maksatnamasyny hödürledi. «Business Insider» neşiriniň habar bermegine görä, bu teklip kompaniýanyň ýokary derejeli ýolbaşçylaryna we inženerçilik hünärmenlerine degişli bolman, meýletin gitmek isleýän beýleki işgärler dekabr aýynyň başyna çenli öz gutarnykly kararlaryny bildirmelidirler.
Bu başlangyç «Microsoft» kompaniýasynyň işgär sanyny kadalaşdyrmak hem-da meýilleşdirilmedik mejbury işden боşatmalaryň öňüni almak boýunça amala aşyrýan nobatdaky çäresidir. Häzirki wagtda emeli aň infrastrukturasyna we innowasion taslamalara uly möçberde maýa goýumlaryny ýöneltýän tehnologiýa ägirdi şol bir wagtyň özünde içki çykdajylary optimizirlemegi maksat edinýär. 2026-njy ýylyň iýun aýyndaky maglumatlara görä, kompaniýada 226 müň adam zähmet çekýärdi, diýmek, täze meýletin maksatnama işgärleriň dörtden bir bölegine golaýyny öz içine alýar.
Bellenilmeli z zat, 2026-njy ýylyň aprelinde hem «Microsoft» ABŞ-daky gullukçylaryna meýletin işden gitmek maksatnamasyny hödürläpdi. Şonda ýaşy bilen kompaniýadaky zähmet stajynyň jemi 70-den geçýän, takmynan, 9 müň işgär bu şertlere laýyk gelip, olaryň üçden bir bölegi berilen teklibi kabul edipdi.
Blitz