Oýun sanawy
Halkara astronomiýa bileleşigi Mars we Ýupiter planetalarynyň arasynda, ýagny esasy guşaklykda ýerleşýän asteroide italiýaly meşhur tennisçi Ýannik Sinneriň adyny dakdy.
Bu asman jisimi 2003-nji ýylyň 10-njy martynda italiýaly astronomlar topary tarapyndan ýüze çykarylypdy. Asteroide ady dakmak başlangyjy bilen ony ilkinji bolup tapanlar Fabrisio Bernardi we Maura Tombelli çykyş etdi. Kiçi jisimleriň nomenklaturasy boýunça işçi topary bu teklibi makullady we asman jisimi resmi taýdan «(120097) Janniksinner» adyny aldy.
Astronomlaryň aýtmagyna görä, bu çözgüt diňe bir tennisçiniň sportdaky uly üstünlikleri bilen däl-de, eýsem onuň kortda we kortuň daşynda görkezýän ynsanperwer gymmatlyklary, asylly häsiýetleri bilen hem göni baglanyşyklydyr.
Häzirki wagtda 24 ýaşly Sinner ATP reýtinginde dünýäniň birinjiraketli tennisçisi bolup durýar. Onuň hasabynda ýekelikdäki ýaryşlarda 29 sany ATP tituly, «Uly tuwulga» ýaryşlarynda dört sany taryhy ýeňiş we ATP-niň Jemleýji ýaryşynda gazanylan iki sany uly titul bar.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Blitz