Türkmenistanyň paýtagty iri halkara ykdysady forumyň merkezine öwrülýär. 2026-njy ýylyň 2—4-nji apreli aralygynda Türkmenistanyň Söwda-senagat edarasynda «Hyzmatdaşlyk we ösüş» atly halkara sergi geçiriler. Bu çäre dünýäniň dürli künjeklerinden gelýän işewürleriň we bilermenleriň başyny jemläp, innowasion tehnologiýalary hem-de döwrebap çözgütleri tanyşdyrmak üçin esasy meýdança bolar.

Halkara sergä dünýäniň 100-den gowrak öňdebaryjy brendi we iri kompaniýalary gatnaşar. Gatnaşyjylar gurluşyk materiallaryndan başlap, iň täze "akylly" tehnologiýalara, awtomatlaşdyryş ulgamlaryna we kabel çözgütlerine çenli önümlerini görkezerler. Şeýle hem, serginiň çäginde energetika, howpsuzlyk, ýyladyş we sowadyş ulgamlary (HVAC) ýaly möhüm ugurlara aýratyn orun berler.

Bu forum halkara öndürijiler, distribýutorlar we ýerli telekeçiler üçin göni gepleşikleri ýola goýmaga hem-de täze şertnamalary baglaşmaga giň mümkinçilik döredýär. Serginiň mowzuklaýyn bölümlerinde interýer dizaýny, landşaft çözgütleri, izolýasiýa we keramika önümleri ýaly gurluşyk hem-de bezeg ulgamynyň ähli ugurlaryny öz içine alýan iň soňky gazanylanlar hödürlener.

Guramaçylar gyzyklanma bildirýän ähli taraplary bu taryhy çäräniň bir bölegi bolmaga çagyrýarlar. Hasaba durmak we goşmaça maglumat almak üçin aşakdaky aragatnaşyk maglumatlaryndan peýdalanyp bilersiňiz:

• Telefon: (+99312) 39 88 86, (+99365) 815205

• E-mail: info@cci.gov.tm, turkmenistan@netorganization.net

• Geçiriljek ýeri: Türkmenistanyň Söwda-senagat edarasy.