Oýun sanawy
Türkmenistanda hepdäniň dowamynda üýtgäp durýan we ýagynly howa garaşylýar
27 Aprel. 08:57Türkmenistanyň Gidrometeorologiýa baradaky gullugynyň maglumatlaryna görä, şu hepdäniň dowamynda ýurdumyzda howanyň ýagdaýy üýtgäp durar. Hepdäniň dürli günlerinde welaýatlarda ýagyş ýagmagyna we howanyň gyzgynlygynyň käbir sebitlerde +35 gradusa çenli ýokarlanmagyna garaşylýar. Şeýle hem sebitler boýunça şemalyň tizliginiň sekuntda 17 metre çenli güýçlenmegi ähtimaldyr.
Welaýatlar boýunça howanyň deslapky meýilnamasy:
• Aşgabat şäheri: Hepdäniň ortasynda we ahyrynda ýagyş ýagar. Gündizlerine howa +31 gradusa çenli maýlar. Şemalyň tizligi 14-16 m/s ýeter.
• Ahal welaýaty: Bulutly howa we ýagyş garaşylýar. Gündizlerine temperaturanyň +34 gradusa çenli ýokarlanmagy çaklanylýar.
• Balkan welaýaty: Üýtgäp durýan bulutlylyk we ýagyş bolar. Gündizlerine welaýatda +31 gradus, kenarýaka etraplarda bolsa +25 gradus maýyl bolar.
• Mary we Lebap welaýatlary: Hepdäniň ikinji ýarymynda az-kem ýagyş ýagar. Gündizlerine howa +35 gradusa çenli gyzar, bu bolsa hepdäniň iň ýokary görkezijisidir.
• Daşoguz welaýaty: Hepdäniň ortasynda ýagyş ýagar. Gündiz howanyň gyzgynlygy +33 gradusa çenli ýokarlanar.
Gidrometeorologiýa gullugy raýatlara howanyň üýtgemegine we ýagynly günlere taýyn bolmagy maslahat berýär.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Blitz