‌
‌
‌
‌
‌
‌
‌
‌
‌
‌
‌
‌
‌
‌
‌
‌

Oýun sanawy

Saglyk
15 Sen. 10:40

Türkmenistanyñ jiu-jitsu ýygyndysy Afinada geçirilen çempionatda 38 medal gazandy

Çeşme

Türkmenistanyñ milli jiu-jitsu ýygyndysy 2025-nji ýylyň 11–14-nji sentýabry aralygynda Gresiýanyň paýtagty Afinada geçirilen 20-nji Balkan açyk çempionatynda üstünlikli çykyş etdi.

Esasan hem 13–14-nji sentýabrda geçen jemleýji bäsleşik günlerinde türkmen türgenleri “ne waza” we “no gi” görnüşleri boýunça ýokary netijeleri görkezdi.

“Ne waza” görnüşinde:

  • Altyn medal gazananlar: Soltanmyrat Nuryýew (62 kg), Şyhberdi Rahmanow (69 kg), Bagtyýar Myradow (77 kg), Rahat Kurbanow (85 kg, weteranlar).

  • Kümüş medal: Alyşir Jumamyradow (62 kg), Yslam Owezow (69 kg), Eziz Ýollyýew (85 kg).

  • Bürünç medal: Yslam Rejepow (62 kg), Dayaç Kullyýew (69 kg), Annagurt Amanmyradow (77 kg).

“No gi” görnüşinde:

  • Çempionlar: Yslam Rejepow (62 kg), Yslam Owezow (69 kg).

  • Kümüş medal: Süleýman Nuryýew (62 kg), Dayaç Kullyýew (69 kg), Eziz Ýollyýew (85 kg).

  • Bürünç medal: Soltanmyrat Nuryýew (62 kg), Şyhberdi Rahmanow (69 kg), Ogulduresin Azimowa, Annagurt Amanmyradow (85 kg).

Jemi netijede türkmen türgenleri 38 medal gazandylar: 14 altyn, 12 kümüş, 12 bürünç medal, bu bolsa ýygyndynyň ýokary taýýarlygyny görkezýär.

Şeýle hem okanyň

Hindistanyň “Fly2Doctor” halkara platformasynyň wekili Şiwam Sing Çauhan bilen söhbetdeşlik
Saglyk ·10 Okt. 09:42
Türkmen-german lukmançylyk hyzmatdaşlygy çäklerinde Germaniýaly professorlar Türkmenistanyň saglygy goraýyş ulgamyndaky ösüşleri ýokary baha berdiler
Saglyk ·06 Okt. 06:56
Türkmenistanda Türki dilli ýurtlaryň kardiologlarynyň, Merkezi Aziýa ýurtlarynyň fiziologlarynyň halkara kongresleri geçiriler
Saglyk ·07 Okt. 06:30

Iň köp görülen

Syýasat
31 Okt. 13:30

Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy

Çeşme

Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.

Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.

Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.

Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.

Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.

Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.