Türkmenistanyň Gurluşyk we binagärlik ministrliginiň 2026-njy ýylyň 26-njy iýunyndaky buýrugy bilen «Suw üpjünçiligi. Daşarky ulgamlar we desgalar» atly TGK 2.04.02-2026 belgili täze gurluşyk kadalary tassyklanyldy. Suw üpjünçilik ulgamlarynyň taslamalaryny düzmegiň öňki düzgünleriniň ornuny tutan bu resminama 2026-njy ýylyň 29-njy iýulynda Türkmenistanyň Adalat ministrliginde döwlet belligine alyndy.

Täje kadalara mitap, hojalyk-agyz suwunyň bir adama düşýän ortaça gündelik sarp edilişi ýaşaýyş jaýlarynyň inženerçilik taýdan abadanlaşdyrylyş derejesine baglylykda bellenilýär:

Wannasy bolmadyk jaýlarda: bir adama günde 160–200 litr.

Wannasy we ýerli suw gyzdyryjysy bolan jaýlarda: günde 210–260 litr.

Merkezleşdirilen gyzgyn suw üpjünçilikli jaýlarda: günde 300–450 litr.

Köçe suw geçiriji sütünlerinden peýdalanýanlar üçin: günde 30–50 litr (suw serişdeleri ýetmezçilik edende bu görkeziji peseldilip bilner).

Baş meýilnamalary we etrap meýilleşdiriş çyzgytlaryny taýýarlamak üçin suw sarp edilişiniň iri ölçegli görkezijileri hem girizildi. Şäherler üçin gurluşygyň birinji tapgyrynda bir ýaşaýja günde 550 litr, hasaplaşyk möhleti üçin 600 litr suw göz öňünde tutuldy. Oba ýerlerinde bu görkezijiler degişlilikde günde 125 we 150 litr möçberinde kesgitlendi.

Resminama, şeýle hem ýangyn söndürmek üçin suw sarp edilişine, sanitariýa korag zolaklaryna, suwy arassalamak ham-da seýsmiki we çökýän topraklarda suw geçiriji desgalary gurmaga bildirilýän talaplary düzgünleşdirýär.