Oýun sanawy
Türkmen alymlary Minskide biotehnologiýalar boýunça täze innowasion taslamalaryny görkezdiler
08 Sen. 09:48Oguz han adyndaky Inžener-tehnologiýalar uniwersitetiniň wekilleri Belarusyň paýtagtynda geçirilen «Ylym festiwaly – 2026» çäresinde biotehnologiýa we molekulýar biologiýa ugrundaky ylmy işlerini tanyşdyrdylar. Belarusyň Milli ylymlar akademiýasy tarapyndan guralan bu abraýly foruma uniwersitetiň kafedra müdirleri O.Soltanowa we D.Porrykow gatnaşdy.
Säkkizinji gezek geçirilen bu giň gerimli gözden geçirişde türkmen mugallymlary ýerli we daşary ýurtly alymlar bilen mikrobiologiýa, genetika, seleksiýa hem-de oba hojalyk biotehnologiýasy boýunça tejribe alyşdylar. Çäräniň çäklerinde belarus ylmy-barlag institutlarynyň professorlary bilen geljekki bilelikdäki hyzmatdaşlygyň mümkinçilikleri hem maslahatlaşyldy.
Şeýle hem okanyň
Resmi Apple dükanynda öňki nesil iPhone modelleriniň bahalary ýokarlandy
10 Sen. 15:35Apple kompaniýasy täze iPhone 18 Pro we iPhone Duo modellerini tanyşdyrandan soňra, özüniň resmi onlaýn-dükanynda öňki nesil smartfonlarynyň bahalaryny täzeledi. Dünýä bazarynda täze flagmanlaryň 100 dollar gymmatlamagy sebäpli, öň çykarylan smartfonlaryň bahalary hem deň derejede ýokarlandyryldy.
Täzelenen nyrhlara görä, iPhone 17e modeliniň bahasy 699 dollara, iPhone 16 bosa 799 dollara ýetdi. Şeýle hem iPhone 17 smartfony 899 dollardan, iPhone Air modeli bolsa 1099 dollardan satlyga hödürlenip başlandy. Adatça bolşy ýaly, kompaniýa öňki flagmanlary bolan iPhone 17 Pro we iPhone 17 Pro Max modellerini resmi dükandan aýyrdy.
Nyrhlaryň bu görnüşde ýokarlanmagy barada bilermenler hem-de Apple kompaniýasynyň öňki ýolbaşçysy Tim Kuk tarapyndan öňümizdäki aýlarda duýdurylypdy. Elektronika önümleriniň gymmatlamagyna emeli aň maglumat merkezleriniň artýan zerurlyklary sebäpli dörän ýat çipleriniň ýetmezçiligi esasy sebäp hökmünde görkezilýär.
Blitz