Oýun sanawy
Türkmenistan bilen Özbegistanyň arasynda ulag pudagyndaky hyzmatdaşlygyň meseleleri maslahatlaşyldy
«Awaza» milli syýahatçylyk zolagynda geçirilýän BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde ulag pudagyndaky hyzmatdaşlyga bagyşlanan türkmen-özbek gepleşikleri geçirildi. Oňa Türkmenistanyň awtomobil ulaglary ministri Begenç Annadurdyýew, Türkmenistanyň demir ýol ulaglary ministri Mämmet Akmämmedow hem-de Özbegistanyň ulag ministri Ilhom Mahkamow gatnaşdylar. Bu barada Özbegistanyň Ulag ministrliginiň metbugat gullugy habar berdi.
Taraplar awtomobil we demir ýol gatnawlary boýunça ikitaraplaýyn hyzmatdaşlygy giňeltmek, şeýle hem Türkmenistanyň deňiz portlaryny peýdalanmak arkaly halkara multimodal ulag geçelgelerini ösdürmek bilen baglanyşykly meseleleri ara alyp maslahatlaşdylar.
Ýeri gelende ýatlatsak, mundan ozal Awazada Türkmenistanyň we Özbegistanyň Prezidentleriniň arasynda duşuşyk geçirilendigini habar beripdik.
Şeýle hem okanyň
Iň köp görülen
Türkmenistanyň Prezidenti milli pul birliginiň — manadyň 32 ýyllygy bilen gutlady
Türkmenistanyň Prezidenti Serdar Berdimuhamedow raýatlary we bank ulgamynyň işgärlerini milli pul birliginiň — manadyň dolanyşyga girizilmeginiň 32 ýyllygy bilen tüýs ýürekden gutlady.
Döwlet Baştutany öz ýüzlenmesinde manadyň girizilmeginiň ýurduň ykdysady durnuklylygyny berkitmekde, maliýe garaşsyzlygyny üpjün etmekde we pul-karz ulgamyny ösdürmekde möhüm ädim bolandygyny belledi.
Prezidentiň nygtaýşy ýaly, bank ulgamy serişdeleriň dolanyşygyny üpjün etmekde, maýa goýumlaryny artdyrmakda hem-de häzirki zaman sanly tehnologiýalary ornaşdyrmak arkaly maliýe hyzmatlarynyň hilini ýokarlandyrmakda möhüm orny eýeleýär.
Gutlag hatynda şeýle hem bank ulgamynyň kanunçylyk binýadyny halkara ülňülerine laýyklaşdyrmak, elektron töleg ulgamyny giňeltmek we halkara maliýe guramalary, şol sanda Halkara Valýuta Gaznasy, Bütindünýä Banky hem-de “Fitch Ratings” agentligi bilen hyzmatdaşlygy ösdürmek boýunça işleriň dowam etdirilýändigi bellenilýär.
Serdar Berdimuhamedow belleýär, häzirki wagtda Türkmenistan ilat başyna düşýän içerki önümiň derejesi boýunça ýokary girdejili ýurtlaryň hataryna girýär, şeýle hem halkara guramalaryň ählisi ýurduň durnukly ykdysady ösüşine oňyn baha berýär.
Döwlet Baştutany gutlagynyň ahyrynda ähli watandaşlaryna berk jan saglyk, abadançylyk we Garaşsyz, Bitarap Türkmenistanyň ösüşine goşant goşmakda üstünlik arzuw etdi.
Blitz