Oýun sanawy
Eswatininiň Patyşasy Türkmenistana geldi
Eswatininiň Patyşasy Mswati III BMG-nyň Deňze çykalgasy bolmadyk ösüp barýan döwletler boýunça üçünji maslahatyna gatnaşmak üçin Türkmenbaşy şäherine geldi.
Patyşa şäheriň Halkara howa menzilinde ýurdumyzyň resmi wekilleri tarapyndan garşylandy.
BMG-nyň Deňze çykalgasy bolmadyk ösüp barýan ýurtlar boýunça üçünji maslahatynyň esasy meseleleri ara alyp maslahatlaşmak üçin esasy meýdança boljakdygyny bellemelidiris. Bu barada Halkara habarlar merkezi habar berýär.
Patyşa Mswati III-niň gatnaşmagyna aýratyn üns berilýär. Deňze çykalgasy bolmadyk ýurt bolan Eswatini üçin logistika we halkara söwda meseleleri möhüm orny eýeleýär. Patyşanyň bu Halkara maslahata gatnaşmagy Eswatininiň halkara hyzmatdaşlygyny güýçlendirmek we durnukly ykdysady ösüşler üçin täze ýollary tapmak islegini görkezýär. Bu bolsa Patyşanyň saparyny diňe bir resmi waka däl, eýsem ýurduň dünýä derejesindäki ösüşlere has işjeň gatnaşmagy üçin möhüm ädimleriň birine öwürýär.
Şeýle hem okanyň
Iň köp görülen
Türkmenistan Prezidenti Serdar Berdimuhamedow, ABŞ-nyň Prezidenti Donald Tramp bilen “Merkezi Aziýa – Amerikanyň Birleşen Ştatlary” sammitiniň çäginde Waşingtonda ikitaraplaýyn duşuşyk geçirer. Bu barada TDH habar berýär.
“Türkmenistan Ministrler Kabinetiniň wise-premýeri, daşary işler ministri Raşit Meredow, Prezident Serdar Berdimuhamedowun ABŞ-a iş saparynyň taýýarlygy barada hasabat berdi. Bu sapar, Prezident Donald Trampyň çagyrmagyna laýyklykda ýokary derejeli gepleşikler geçirmek we “Merkezi Aziýa + ABŞ” sammitine gatnaşmak maksady bilen amala aşar” – diýip, habar berildi.
Serdar Berdimuhamedow, Türkmenistan bilen ABŞ-nyň arasyndaky gatnaşyklary has-da ösdürmek üçin gowy mümkinçilikleriň bardygyny belläp geçdi. “ABŞ-da geçiriljek sammit, iki ýurt arasyndaky özara peýdaly hyzmatdaşlygyň berkemegine ýardam eder” – diýip, döwlet baştutany nygtady.
Öň habar berlişi ýaly, “Merkezi Aziýa + ABŞ” sammiti 6-njy noýabrda geçiriljekdir.
Blitz