Oýun sanawy
Günorta Koreýa Respublikasy Türkmenistan bilen dürli ulgamlarda hyzmatdaşlygy ösdürmäge gyzyklanma bildirýär. Bu barada ýurduň premýer-ministri Kim Min Sok Seul şäherinde geçirlen uglerod deňagramlylygy we ýaşyl ösüş boýunça halkara konferensiýasynda Türkmenistanyň Koreýa Respublikasyndaky ilçisi Begenç Durdyýew bilen geçiren söhbetdeşliginde habar berdi diýip, Türkmenistanyň Daşary işler ministrligi mälim edýär.
Türkmen ilçisi konferensiýanyň — uglerod deňagramlylygy we ýaşyl ösüş boýunça global hyzmatdaşlyk dabarasynyň açylyş çäresinde gatnaşdy. Çäreden soň, Durdyýew premýer-ministr bilen gysga duşuşyk geçirdi.
Türkmen diplomaty Türkmenistanyň ýolbaşçylygynyň salamlaryny ýetirip, iki ýurduň arasyndaky özara peýdaly hyzmatdaşlygy has-da ösdürmek barada ynam bildirdi.
Koreýa tarapy salamlar üçin minnetdarlyk bildirip, Merkezi Aziýanyň, şol sanda Türkmenistanyň dürli ugurlarda özara peýdaly gatnaşyklaryny we hyzmatdaşlygyny ösdürmäge uly gyzyklanmasyny nygtady.
Konferensiýanyň açylyşynda premýer-ministr Kim Min Sok, durnukly energiýa çeşmeleriniň ulanylyşyny artdyrmak, uglerod deňagramlylygyna ýetmek we ýaşyl energiýa geçişini tizleşdirmek üçin ýöriteleşdirilen senagat toplumyny döretmek boýunça hökümetiň programmasy bilen tanyşdyrdy.
Şeýle hem okanyň
Iň köp görülen
Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy
Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.
Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.
Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.
Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.
Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.
Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.
Blitz