Oýun sanawy
Türkmenistanyň daşary işler ministri BMG-niň Baş Assambleýasynyň 79-njy sessiýasynyň Başlygy bilen duşuşdy
4-nji awgustda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde Türkmenistanyň daşary işler ministri Raşid Meredow bilen BMG-niň Baş Assambleýasynyň 79-njy sessiýasynyň Başlygy Filemon Ýangyň arasynda duşuşyk geçirildi.
Duşuşygyň dowamynda taraplar Türkmenistanyň BMG bilen özara hyzmatdaşlygynyň ileri tutulýan ugurlaryny ara alyp maslahatlaşdylar hem-de parahatçylygy, howpsuzlygy we durnukly ösüşi üpjün etmekde köptaraplaýyn hyzmatdaşlygy berkitmegiň möhümdigine aýratyn üns çekdiler diýlip, Daşary işler ministrliginiň saýtynda habar berilýär.
Filemon Ýang Türkmenistanyň BMG-niň Düzgünnamasyna we halkara hukuk kadalaryna ygrarlydygyny belledi.
Taraplar BMG-niň Baş Assambleýasynyň «Türkmenistanyň hemişelik Bitaraplygy» hakyndaky üçünji Kararnamasynyň kabul edilmeginiň aýratyn ähmiýetini kanagatlanma bilen bellediler. Bu çözgüt Türkmenistanyň parahatçylykly daşary syýasatynyň giň halkara goldawa eýediginiň aýdyň subutnamasy boldy.
Türkmenistanyň daşary işler ministri oňyn bitaraplyk ýörelgesiniň özara gatnaşyklaryň ösmegine ýardam berýändigini hem-de dürli ugurlarda hyzmatdaşlygyň täze mümkinçiliklerini açýandygyny belledi.
Duşuşykda bellenilişi ýaly, bäş günüň dowamynda «Awaza» milli syýahatçylyk zolagy ara alyp maslahatlaşmalaryň hem-de işjeň hyzmatdaşlygyň meýdançasyna öwrüler.
Şeýle hem okanyň
Iň köp görülen
Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy
Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.
Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.
Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.
Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.
Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.
Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.
Blitz