Oýun sanawy
Oguljahan Atabaýewa bilen Şanhaýyň häkimi türkmen-hytaý gatnaşyklaryny maslahatlaşdy
Gurbanguly Berdimuhamedow adyndaky haýyr-sahawat fondunyň bejeriş işleri boýunça wise-prezidenti Oguljahan Atabaýewa Hytaýa amala aşyran iş saparynyň çäklerinde Şanhaý şäheriniň häkimi Gun Žen bilen duşuşdy. Bu barada Yicai.com saýty habar berýär.
Şanhaýyň häkimi Hytaý bilen Türkmenistanyň arasyndaky taryhy dostlugyň berk esaslaryny belläp, söwda, ykdysady we medeni ugurlarda hyzmatdaşlygyň soňky ýyllarda has-da giňelýändigini nygtady. Ol «Bir guşak – bir ýol» başlangyjynyň çäginde syýahatçylyk, maýa goýumlary we ynsanperwer hyzmatdaşlyk ugurlarynda gatnaşyklary pugtalandyrmaga umyt bildirdi.
Gun Žen Şanhaýda "çagalara dostlukly şäher" düşünjesini ösdürmek ugrunda alnyp barylýan işler barada gürrüň berdi we çagalaryň saglygy, kömek we meýletinçilik taslamalary boýunça hyzmatdaşlygyň giňeldilmegini teklip etdi.
Oguljahan Atabaýewa iki ýurduň arasyndaky hyzmatdaşlygyň oňyn ösüşine ýokary baha berip, Şanhaýy «joşgunly we ylham beriji şäher» hökmünde häsiýetlendirdi. Onuň bellemegine görä, fond çagalaryň saglygy we bilim-terbiýesi meselelerine uly ähmiýet berýär. Hytaý bilen hyzmatdaşlygyň giňeldilmegi iki ýurduň çagalarynyň ösüşi üçin täze mümkinçilikleri döreder diýip, ol aýtdy.
Şeýle hem okanyň
Iň köp görülen
Türkmenistanyň Prezidenti milli pul birliginiň — manadyň 32 ýyllygy bilen gutlady
Türkmenistanyň Prezidenti Serdar Berdimuhamedow raýatlary we bank ulgamynyň işgärlerini milli pul birliginiň — manadyň dolanyşyga girizilmeginiň 32 ýyllygy bilen tüýs ýürekden gutlady.
Döwlet Baştutany öz ýüzlenmesinde manadyň girizilmeginiň ýurduň ykdysady durnuklylygyny berkitmekde, maliýe garaşsyzlygyny üpjün etmekde we pul-karz ulgamyny ösdürmekde möhüm ädim bolandygyny belledi.
Prezidentiň nygtaýşy ýaly, bank ulgamy serişdeleriň dolanyşygyny üpjün etmekde, maýa goýumlaryny artdyrmakda hem-de häzirki zaman sanly tehnologiýalary ornaşdyrmak arkaly maliýe hyzmatlarynyň hilini ýokarlandyrmakda möhüm orny eýeleýär.
Gutlag hatynda şeýle hem bank ulgamynyň kanunçylyk binýadyny halkara ülňülerine laýyklaşdyrmak, elektron töleg ulgamyny giňeltmek we halkara maliýe guramalary, şol sanda Halkara Valýuta Gaznasy, Bütindünýä Banky hem-de “Fitch Ratings” agentligi bilen hyzmatdaşlygy ösdürmek boýunça işleriň dowam etdirilýändigi bellenilýär.
Serdar Berdimuhamedow belleýär, häzirki wagtda Türkmenistan ilat başyna düşýän içerki önümiň derejesi boýunça ýokary girdejili ýurtlaryň hataryna girýär, şeýle hem halkara guramalaryň ählisi ýurduň durnukly ykdysady ösüşine oňyn baha berýär.
Döwlet Baştutany gutlagynyň ahyrynda ähli watandaşlaryna berk jan saglyk, abadançylyk we Garaşsyz, Bitarap Türkmenistanyň ösüşine goşant goşmakda üstünlik arzuw etdi.
Blitz