Oýun sanawy
Gyrgyz Respublikasynda geçiriljek Çarwadarlaryň VI Bütindünýä oýunlarynyň guramaçylyk komiteti bu halkara sport çäresiniň resmi tumaryny yglan etdi. Oýunlaryň simwoly hökmünde saýlanan gar barsyna «Bataý» diýlip at berildi. Bu nyşan diňe bir sport ýaryşyny däl, eýsem, çarwa medeniýetiniň gadymy gymmatlyklaryny we ruhy erkinligini özünde jemleýän özboluşly keşpdir.
«Bataý» adynyň saýlanyp alynmagy çuňňur simwoliki manyga eýedir. Adyň düzümindäki «Ba» bölegi barsyň batyrlygyny, güýjüni we çäksiz erkinligini aňladýan bolsa, «Taý» sözi sarsmaz daýanjy, durnuklylygy we taryhy köklere bolan ygrarlylygy alamatlandyrýar. Bu iki düşünjäniň birleşmegi häzirki zaman ösüşi bilen milli däp-dessurlaryň sazlaşygyny görkezýär.
Çarwadarlaryň Bütindünýä oýunlary 2014-nji ýyldan bäri Gyrgyzystanyň başlangyjy bilen guralýan we dünýäniň dürli künjeklerinden gatnaşyjylary birleşdirýän iri medeni-sport wakasydyr. Bu gezekki altynjy oýunlar hem çarwa halklarynyň däp bolan sport görnüşlerini wagyz etmekde we medeni mirasyny gorap saklamakda möhüm orun tutýar.
Meýilnama laýyklykda, VI Bütindünýä oýunlary 2026-njy ýylyň 31-nji awgustyndan 6-njy sentýabryna çenli dowam eder. Bir hepdeleýin halkara festiwalyň dowamynda dünýäniň dürli döwletlerinden geljek türgenler özara bäsleşerler. Tumaryň saýlanmagy bolsa bu uly dabara taýýarlyk görmegiň aýgytly tapgyryna geçilendiginiň nyşanydyr.
Şeýle hem okanyň
UFC 336 ýaryşynda Karlos Prates bilen Maýkl Moralesiň arasyndaky söweş Islam Mahaçewiň indiki garşydaşyny kesgitlär
26 Okt. 11:00UFC guramasynyň ýarym orta agram derejesindäki çempiony Islam Mahaçewiň indiki garşydaşy 2027-nji ýylyň 30-njy ýanwarynda Torontoda geçiriljek «UFC 336» turnirinde belli bolar. Reýtingde ikinji we üçünji orunlary eýeleýän braziliýaly Karlos Prates bilen ekwadorly Maýkl Moralesiň arasyndaky duşuşykda diňe bir çempionlyk söweşine çykmak hukugy däl, eýsem ýarym orta agram derejesindäki wagtlaýyn çempionlyk guşagy hem orta goýlar. Mahaçewiň ozaokky söweşi awgust aýynda bolup geçipdi we ol irlandiýaly Ian Gerri ýeňip, ozal ýeňil agramda eýelän üstünliklerinden soň täze agramda hem öz titulyny goramagy başarypdy.
UFC-niň ýolbaşçysy Dana Waýtyň bellemegine görä, gurama Mahaçewiň söweşini 2027-nji ýylyň ýanwarynda geçirmegi meýilleşdiripdi, emma russiýaly çempion 8-nji fewraldan 8-nji marta çenli dowam etjek Remezan aýy tamamlanýança oktagona çykmakdan ýüz öwrdi. Çempionyň çykyşlarynda arakesme boljakdygy sebäpli, gurama Prates bilen Moralesiň duşuşygyny wagtlaýyn çempionlyk söweşi derejesine göterdi. Söweşijileriň ikisi hem ýokary netijeleri görkezýärler: Prates yzly-yzyna üç gezek Jeff Nil, Leon Eduards we Jek Della Maddalena ýaly garşydaşlaryny nokauta giden bolsa, Maýkl Morales UFC-de 7 duşuşykda ýeňilmän кеlýär.
Şeýle hem Torontoda geçiriljek «UFC 336» turniriniň çäklerinde guramanyň iň ýeňil agram derejesindäki häzirki çempiony Joşua Wan öz çempionlyk guşagyny goramak üçin oktagona dolanar. Mýanmaly söweşiji çempionlyk ugrundaky duşuşykda Angolada doglan we Portugaliýa wekilçilik edýän Manel Kape bilen güýç synanyşar. Bu giň göwrümli söweş agşamy halkara sport janköyerleriniň uly sabyrsyzlygy bilen garaşýan bäsleşikleriniň birine öwrer.
Blitz