Türkmenistanyň ähli welaýatlarynda hem-de paýtagt şäherinde 1-nji sentýabrdan başlap ýollarda howpsuzlygy üpjün etmäge gönükdirilen däbe öwrülen biraýlyk çäre geçirilip başlanar. Şeýle giň göwrümli jemgyýetçilik çäresi ýurdumyzda eýýäm on ikinji gezek guralýar. Bu ýylky aksiýa «Ýol hereketiniň howpsuzlygy — ömrümiziň rahatlygy» diýen şygar astynda amala aşyrylar.

Çäräniň çäklerinde degişli ministrlikler we pudaklaýyn edaralar tarapyndan sürüjileriň hem-de pyýadalaryň hukuk sowatlylygyny ýokarlandyrmaga gönükdirilen maslahatlar guralar. Bilim edaralarynda, edara-kärhanalarda Polisiýanyň ýol gözegçilik gullugynyň hünärmenleriniň gatnaşmagynda öwüt-ündew duşuşyklary hem-de wagyz-nesihat çäreleri amala aşyrylar. Bu çäreler ýol hereketine gatnaşyjylaryň jogapkärçiligini artdyrmaga hyzmat eder.

Täze okuw ýylynyň başlamagy bilen Baglylykda mekdepleriň, çagalar baglarynyň we ýokary okuw mekdepleriniň töwereklerinde gözegçilik işleri ep-esli güýçlendiriler. Şol ýerlerde ýol gözegçilik gullugynyň gullukçylary bilen bir hatarda eko-welosipedli nobatçy toparlar hem zähmet çekerler. Aýratyn hem ilat köp gatnaýan köçelerinde we şaýollarda düzgünlerin berjaý edilişine berk gözegçilik ediler.

Guramaçylaryň bellemegine görä, ýollardaky tertip-düzgün milli we kanunçylyk binýady arkaly kadalaşdyrylýar. Biraýlygyň dowamynda bellemeleri ýerine ýetirmediýän we ýol ereketiniň düzgünlerini bozan raýatlara Administratiw hukuk bozulmalary hakyndaky kodekse laýyklykda yzygiderli çäreler görüler.