Oýun sanawy
«Medeniýet we Syýahat» žurnaly Gadymy Merwe demirýoly arkaly syýahat guraýar
17 Awgust. 07:05Türkmenistanyň Medeniýet ministrliginiň «Medeniýet we Syýahat» žurnaly ýurdumyzyň syýahatçylyk mümkinçiliklerini giňden mahabatlandyrmak hem-de ilatymyza içerki syýahatçylyk ugurlaryny hödürlemek maksady bilen nobatdaky gezelenji yglan edýär. Žurnal tarapyndan hödürlenýän syýahatçylyk Maksatnamasy «Awaza» milli syýahatçylyk zolagyna, ÝUNESKO-nyň Bütindünýä mirasy sanawyna girizilen taryhy ýadygärliklerimize, Köýtendagyň ajaýyp jülgelerine hem-de beýleki gyzykly ugurlara gezelençleri öz içine alýar. Syýahatçylara amatlylygy göz öňünde tutulyp, otly we awtoulag hyzmatlary hödürlenilýär.
Şu çäkde, 2026-njy ýylyň 19–20-nji awgusty aralygynda ÝUNESKO-nyň sanawynda ýer alýan Gadymy Merwiň taryhy-medeni ýadygärlikler toplumyna demir ýol arkaly otlyly gezelenç guralýar.
Habarlaşmak üçin telefon belgileri:
44-01-40
+993 65 61 63 77 (ýa-da +993 56 16 37)
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Blitz