Oýun sanawy
Läle Şöhradowa Mumbaýda geçirilen Aziýa çempionatynda rapid boýunça altyn medal gazandy
21 Awgust. 07:13Türkmenistanly küştçi Läle Şöhradowa Hindistanyň Mumbaý şäherinde 20 ýaşa çenli ýetginjek oglan-gyzlaryň arasynda geçirilýän Aziýa çempionatynda çalt küşt (rapid) boýunça birinji orny eýeläp, altyn medala mynasyp boldy. Bütinhindi küşt federasiýasynyň, Aziýa küşt federasiýasynyň (ACF) we FIDE-niň goldawy bilen guralýan bu çempionata 10 ýurtdan jemi 157 türgen gatnaşýar.
Gyzlaryň arasynda rapid boýunça geçirilen bäsleşige 7 ýurtdan 60 küştçi katyldy. Ýaryşyň dowamynda 3-nji tapgyrda watandaşy Jahan Rejepowadan utulanyna garamazdan, Läle galan ähli döwleri ýeňiş bilen tamamlady. Netijede, ol 7 tapgyrdan 6 utuk toplap, goşmaça görkezijiler boýunça hindistanly Pratiti Bordoloýdan öňe geçdi we çempion boldy.
Bu Läle Şöhradowanyň Mumbaýdaky birinjilikde gazanan ikinji medalydyr; ol 17-nji awgustda blitz boýunça kümüş baýraga mynasyp bolupdy. Çempionat 20-nji awgustda başlanan we 26-njy awgustda tamamlanjak nusgawy küşt boýunça 9 tapgyrlyk ýaryş bilen dowam edýär.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz