Täjigistan Respublikasynda saglygy goraýyş pudagyny döwrebaplaşdyrmak we ylmy açyşlary höweslendirmek maksady bilen, Gündogaryň beýik akyldary we tebibi Abu Ali ibn Sina (Awisenna) adyndaky halkara baýrak esaslanduryldy. Bu taryhy başlangyç we degişli karar ýurduň Prezidenti Emomali Rahmon tarapyndan öňe sürüldi. Täze baýragyň döredilmegi täjik halkynyň beýik oglunyň bütindünýä lukmançylyk ylmynyň we tejribesiniň ösüşine goşan ägirt uly goşandynyň halkara derejede nobatdaky ykrarnamasydyr.

Bu halkara derejeli baýragyň saglygy goraýyş ulgamynyň we fundamental lukmançylyk ylmynyň ösmegine gaty uly ýardam berjekdigine garaşylýar. Ol häzirki zaman lukmançylygynyň iň çetki meselelerini çözmekde, täze bejeriş usullaryny oýlap tapmakda we global saglygy goraýyş düzümlerini kämilleşdirmekde ylmy barlaglary goldamaga gönükdirilendir. Şeýle-de, bu çäre Ibn Sinanyň dünýä medeniýetine galdran baý mirasyny düýpli öwrenmekde halkara hyzmatdaşlygy täze pillä göterer.

Esaslandyrylan täze baýrak bilen diňe bir Täjigistanyň ussat lukmanlary we ylym adamlary däl, eýsem, dünýäniň dürli döwletlerinden bolan görnükli daşary ýurtly hünärmenler hem sylaglanar. Baýrak lukmançylyk ulgamynda uly taryhy açyşlary eden, adamzat saglygyny goramakda beýik hyzmatlary bitiren şahsyýetlere dabaraly ýagdaýda gowşurylar. Bu bolsa döredilen baýragyň halkara lukmançylyk jemgyýetçiliginde iň abraýly sylaglaryň birine öwrülmegine şert döreder.