Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurduň Halk Maslahatynyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň nobatdaky mejlisini geçirdi. Mejlisiň dowamynda R.Bazarow çykyş edip, Geňeşiň kabul edýän çözgütleriniň döwlet bähbitli işleriň öňe gitmeginde uly orny barada durup geçdi.

Düzgünnama laýyklykda, Ýaşulular geňeşi Gahryman Arkadagymyzyň başlyklyk etmeginde hereket edýär we onuň düzümi Milli Lideriň Karary bilen tassyklanylýar. Halk Maslahatynyň Diwanynyň iş dolandyryjysy häzirki wagtda ähli welaýatlardan we Aşgabat şäherinden degişli wekilleriň bardygyny aýdyp, täze gurlan döwrebap Arkadag şäherine hem mynasyp wekilçilik etjek ýaşuly agzalar barada Gahryman Arkadagdan öz maslahatlaryny bermegini haýyş etdi.

Türkmen halkynyň Milli Lideri ozal Ahal welaýatyna wekilçilik edýän Arkadag şäheriniň ýaşaýjysy K.Täşliýewiň, şol bir wagtyň özünde, mundan beýläk Arkadag şäherine hem wekilçilik etjekdigini mälim etdi. Şeýle hem Gahryman Arkadagymyz özüniň Türkmenistanyň Halk Maslahatynyň ýolbaşçysy hökmünde Ýaşulular geňeşinde Arkadag şäherine hut özüniň wekilçilik etjekdigini aýratyn nygtady. Arkadag şäheriniň Ýaşulular geňeşiniň wekili K.Täşliýew Ahal welaýaty boýunça Ýaşulular geňeşiniň agzalygyna 2025-nji ýylyň 19-njy awgustynda saýlanylypdy.