Oýun sanawy
Gurbanguly Berdimuhamedow we Şawkat Mirziýoýew Türkmenistanyň we Özbegistanyň arasyndaky hyzmatdaşlyk gatnaşyklaryny ara alyp maslahatlaşdylar
“Awaza” Milli syýahatçylyk zolagynda Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow iş sapary bilen Türkmenistana gelen Özbegistan Respublikasynyň Prezidenti Şawkat Mirziýoýew bilen duşuşdy. Saparyň çäginde ol üçtaraplaýyn sammite gatnaşar.
Duşuşyk ilki ikiçäk görnüşinde, soňra bolsa iki ýurduň resmi wekiliýetleriniň gatnaşmagynda giňişleýin görnüşde geçirildi. Taraplar Türkmenistanyň we Özbegistanyň arasynda hyzmatdaşlygyň pugta dostluk, goňşuçylyk we ähli ugurlarda özara bähbitli gatnaşyklaryň ösdürilmegine bolan syýasy isleg esasynda alnyp barylýandygyny nygtadylar.
Duşuşyga gatnaşyjylar soňky ýyllarda ikitaraplaýyn gatnaşyklaryň hil taýdan täze derejä çykandygyny kanagatlanma bilen bellediler.
Penşenbe güni “Awazada” — Hazar deňziniň türkmen kenarynda Türkmenistan, Özbegistan we Azerbaýjan döwletleriniň gatnaşmagynda üçtaraplaýyn sammit geçiriler. Gün tertibinde söwda-ykdysady, ulag-aragatnaşyk, energetika we ynsanperwer ugurlarda köptaraplaýyn hyzmatdaşlygyň ösdürilmegi bilen bagly meseleler bar. Sammitiň netijeleri boýunça birnäçe bilelikdäki resminamalaryň gol çekilmegine garaşylýar.
Şeýle hem okanyň
Iň köp görülen
Belgradda Türkmenistanyň we Serbiýanyň arasyndaky hyzmatdaşlyk we «EXPO-2027»-e gatnaşmak barada gepleşikler geçirildi
Belgradda Türkmenistanyň we Serbiýanyň daşary işler ministrlikleriniň arasynda syýasy maslahatlaryň nobatdaky tapgyry geçirildi. Türkmenistanyň wekiliýetini Daşary işler ministriniň orunbasary Ahmet Gurbanow, serbiýa tarapyny bolsa Daşary işler ministrliginiň döwlet sekretary Damýan Ýowiç ýolbaşçylyk etdi.
Gepleşikler dowamynda iki ýurduň ikitaraplaýyn gatnaşyklarynyň esasy ugurlary boýunça guralan konstruktiv we mazmunly pikir alyşmalar geçirildi. Diplomatlar syýasy maslahatlaryň yzygiderli geçirilmeginiň täsirli koordinaýyş mehanizm hökmünde uly ähmiýetini belläp geçdiler. Şeýle hem, gatnaşyklary has-da ösdürmek maksady bilen ikitaraplaýyn kanuny esaslary kämilleşdirmegiň zerurdygy tassyklanyldy.
Ikitaraplaýyn ykdysady hyzmatdaşlygyň iň geljegi uly ugurlary hökmünde söwda, dokma senagaty, türkmen polimerleriniň, gübreleriň we oba hojalygy önümleriniň eksporty kesgitlendi. Medeniýet, bilim we syýahatçylyk ýaly gumanitar ugurlarda gatnaşyklary ösdürmäge aýratyn üns berildi.
Gepleşiklerde, Türkmenistanyň we Serbiýanyň BMG ýaly halkara guramalarda ýakyn hyzmatdaşlyk edýändigi we möhüm halkara başlangyçlary boýunça bilelikde işler alyp barýandygy kanagatlanma bilen bellenildi. Iki ýurduň arasynda ýokary derejede ynam we global meseleler boýunça pozisiýalaryň gabat gelýändigi nygtaldy.
«EXPO-2027» barada duşuşyk
Serbiýadaky saparynyň çäginde Türkmenistanyň Daşary işler ministriniň orunbasary Ahmet Gurbanow Belgradda «EXPO-2027» halkara sergisi boýunça direktory Danilo Ýeriňiç bilen duşuşyk geçirdi.
Gepleşikler dowamynda, 2027-nji ýylyň 15-nji maýyndan 15-nji awgustyna çenli geçiriljek bu iri halkara sergi boýunça Türkmenistanyň gatnaşygyna degişli guramaçylyk meseleleri jikme-jik maslahatlaşyldy. Türkmenistanyň şeýle uly möçberli halkara çärede gatnaşmagy, ýurdyň ylym, tehnologiýa we durnukly ösüş pudaklaryndaky gazananlaryny görkezmäge mümkinçilik berer.
Blitz