Oýun sanawy
Türkmenistanyň ýolbaşçy düzüminiň wekilleri Awazada sport çärelerine gatnaşdylar
09 Awgust. 04:21Häzirki wagtda zähmet rugsadynda bolýan Türkmenistanyň ýolbaşçy düzüminiň wekilleri Mähriban Prezidentimiz Serdar Berdimuhamedowyň şahsy göreldesine eýerip, «Awaza» milli syýahatçylyk zolagynda geçirilen köpçülikleýin sport we sagaldyş çärelerine gatnaşdylar. Bu barada «Watan» habarlar gepleşiginde habar berildi.
Ýolbaşçy düzümiň wekilleri säher bilen Hazar deňziniň kenarynda bedenterbiýe maşklaryny ýerine ýetirdiler. Şondan soň olar «Awaza» milli syýahatçylyk zolagynyň çäginde welosipedli ýörişi amala aşyrdylar ham-da özara toparlara bölünip, sportuň dürli görnüşleri boýunça bäsleşikleri guradylar.
Awazadaky dynç alyş we şypahana düzümleriniň mümkinçiliklerinden netijeli peýdalanmak, ilatyň saglygyny berkitmek meselelerine döwlet derejesinde uly üns berilýär. Ýolbaşçy kadrlaryň bedenterbiýe we sport bilen yzygiderli meşgullanmagy sagdyn durmuş ýörelgesini wagyz etmekde we köpçülikleýin sporty ösdürmekde möhüm ugur hökmünde kesgitlenendir.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Blitz