Türkmenistanyň daşary syýasat edarasynyň ýolbaşçysy Raşid Meredow bilen onuň malaýziýaly kärdeşi Dato Seri Utama Haji Mohamad bin Haji Hasan özara telefon söhbetdeşligini geçirdiler. Iki döwletiň ministrlikleriniň bu gezekki diplomatik gepleşikleriň barşynda ikitaraplaýyn hyzmatdaşlygyň häzirki ýagdaýy we geljekki ugurlaryna seredildi. Bu barada Türkmenistanyň DIM-niň metbugat gullugy maglumat berdi.

Gepleşikleriň dowamynda taraplar döwletara hyzmatdaşlygyň strategik ugurlaryna, şol sanda syýasy, ykdysady-söwda, medeni we ylmy-bilim ulgamlaryndaky gatnaşyklary giňeltmegiň mümkinçiliklerine seretdiler. Taraplar bilelikdäki taslamalaryň we bar bolan ylalaşyklaryň durmuşa geçirilişini çaltlandyrmak ugrunda özara pikir alyşdylar.

Diplomatlar geljekde guralmagy meýilleşdirilýän ýokary derejedäki resmi duşuşyklaryň we döwlet baştutanlarynyň gepleşikleriň guramaçylyk meselelerine aýratyn üns berdiler. Şonuň bilen birlikde, iki ýurduň daşary işler ministrlikleriniň arasyndaky yzygiderli geňeşmeleri dowam etdirmek we halkara guramalaryň çäklerinde biri-biriňi goldamak tejribesini pugtalandyrmak barada ylalaşyk gazanyldy.

Söhbetdeşligiň ahyrynda taraplar Aziýa-Ýuwaş umman sebiti we Merkezi Aziýa sebitleriniň arasyndaky gatnaşyklary berkitmek boýunça tagallalary utgaşdyrmagyň ähmiýetini nygtadylar. Ministrler iki dostlukly döwletiň arasyndaky özara bähbitli hyzmatdaşlygyň geljekde hem täze many-mazmun bilen baýlaşdyryljakdygyna ynam bildirdiler.