Oýun sanawy
Ispaniýanyň «Barselona» futbol klubynyň metbugat gullugy Angliýanyň milli ýygyndysynyň agzasy Antoni Gordonynyň transferini resmi taýdan mälim etdi. Katalonlaryň wekilleri bu zehinli oýunçyny satyn almak boýunça Angliýanyň «Nýukasl» toparynyň ýolbaşçylygy bilen doly ylalaşyk gazandylar. Bu transfer ispan klubynyň hüjüm liniýasyny güýçlendirmek ugrunda ädilen möhüm ädimleriň biri boldy.
25 ýaşly oýunçy bilen baglaşylan täze şertnama uzak möhletleýin häsiýete eýedir. Taraplaryň arasyndaky resmi ylalaşyk 2031-nji ýylyň tomusyna çenli güýjünde bolar. Oýunçynyň täze klubyndaky aýlyk hakynyň möçberi we transferiň beýleki maliýe şertleri barada häzirki wagtda resmi dilde giňişleýin maglumat berilmeýär.
Antoni Gordon 2023-nji ýyldan bäri «Nýukaslyň» düzüminde çykyş edip gelýärdi we toparyň esasy maksatçylarynyň biri hökmünde tanalýardy. Ol iňlis kluby bilen 2024/25 möwsüminde Angliýanyň liga kubogyny gazanmagy başardy. Şeýle hem hüjümçi Angliýanyň çempionatynyň geçen möwsüminde 26 duşuşyga gatnaşyp, öz adyna 6 gol ýazdyrmagy başardy. Ol mundan ozal bolsa Liverpulyň «Ewerton» toparynyň hormatyny gorapdy.
Häzirki wagta çenli Gordon Angliýanyň milli ýygyndysynyň rüstemligini 17 halkara duşuşygynda gorap, garşydaşlaryň toruna 2 gol girizdi. Onuň milli ýygyndynyň düzümindäki iň uly üstünlikleriniň biri bolsa 2024-nji ýylda geçirilen Ýewropa çempionatynda kümüş baýraga mynasyp bolmagydyr. Bu görkezijiler oýunçynyň halkara derejesindäki tejribesiniň ýokarydygyny görkezýär.
Şeýle hem okanyň
UFC 336 ýaryşynda Karlos Prates bilen Maýkl Moralesiň arasyndaky söweş Islam Mahaçewiň indiki garşydaşyny kesgitlär
26 Okt. 11:00UFC guramasynyň ýarym orta agram derejesindäki çempiony Islam Mahaçewiň indiki garşydaşy 2027-nji ýylyň 30-njy ýanwarynda Torontoda geçiriljek «UFC 336» turnirinde belli bolar. Reýtingde ikinji we üçünji orunlary eýeleýän braziliýaly Karlos Prates bilen ekwadorly Maýkl Moralesiň arasyndaky duşuşykda diňe bir çempionlyk söweşine çykmak hukugy däl, eýsem ýarym orta agram derejesindäki wagtlaýyn çempionlyk guşagy hem orta goýlar. Mahaçewiň ozaokky söweşi awgust aýynda bolup geçipdi we ol irlandiýaly Ian Gerri ýeňip, ozal ýeňil agramda eýelän üstünliklerinden soň täze agramda hem öz titulyny goramagy başarypdy.
UFC-niň ýolbaşçysy Dana Waýtyň bellemegine görä, gurama Mahaçewiň söweşini 2027-nji ýylyň ýanwarynda geçirmegi meýilleşdiripdi, emma russiýaly çempion 8-nji fewraldan 8-nji marta çenli dowam etjek Remezan aýy tamamlanýança oktagona çykmakdan ýüz öwrdi. Çempionyň çykyşlarynda arakesme boljakdygy sebäpli, gurama Prates bilen Moralesiň duşuşygyny wagtlaýyn çempionlyk söweşi derejesine göterdi. Söweşijileriň ikisi hem ýokary netijeleri görkezýärler: Prates yzly-yzyna üç gezek Jeff Nil, Leon Eduards we Jek Della Maddalena ýaly garşydaşlaryny nokauta giden bolsa, Maýkl Morales UFC-de 7 duşuşykda ýeňilmän кеlýär.
Şeýle hem Torontoda geçiriljek «UFC 336» turniriniň çäklerinde guramanyň iň ýeňil agram derejesindäki häzirki çempiony Joşua Wan öz çempionlyk guşagyny goramak üçin oktagona dolanar. Mýanmaly söweşiji çempionlyk ugrundaky duşuşykda Angolada doglan we Portugaliýa wekilçilik edýän Manel Kape bilen güýç synanyşar. Bu giň göwrümli söweş agşamy halkara sport janköyerleriniň uly sabyrsyzlygy bilen garaşýan bäsleşikleriniň birine öwrer.
Blitz