Oýun sanawy
Meşhur britan aýdymçysy we sazandasy Ed Şiran döredijilik karýerasynda wagtlaýyn arakesme alýandygyny yglan etdi. «Daily Mail» gazetiniň ýazmagyna görä, ol bu baradaky kararyny Glindeýl şäherinde geçiren konserti wagtynda muşdaklaryna ýetirdi. Aýdymçy sahna çykyşynda: «Bu meniň iň soňky konsertim. Mundan soň bütin wagtymly maşgalamyň ýanynda geçirmek üçin zähmet rugsadyna çykýaryn» diýip aýtdy.
Häzirki wagtda Ed Şiranyň we onuň ýanýoldaşy Çerri Sibornyň bir ogly hem-de bir gyzy bar. Neşiriň bellemegine görä, aýdymçy 2026-njy ýylyň ýanwarynda Täze Zelandiýada başlanan dünýä turnesinden bäri öz maşgala agzalaryny görüp bilmändir.
«Spotify» aýdym-saz platformasynyň görkezijilerine görä, Ed Şiranyň bütin dünýäde 86 milliona golaý durnukly diňleýjisi bar. Onuň iň uly meşhurlyk getiren «Shape of You» atly aýdymy bolsa häzirki wagta çenli 5 milliarddan gowrak gezek diňlenildi.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Blitz