Ýaponiýanyň Hökümet ýolbaşçysy Sanae Takaitiniň аşyry zähmet günleri we dynç almagyň ýetersizligi baradaky habarlar ýurtda uly seslenme döretdi. 65 ýaşly syýasatçynyň sosial ulgamlarda paýlaşan maglumatlaryna salgylanyp metbugatda ýazylyşy ýaly, ol wezipä geçen gününden bäri dowamly ukusyzlykdan kösenýär. Döwlet işleriniň köplügi sebäpli Ministrler Kabinetiniň baştutany gijelerine bary-ýogy üç sagat töweregi uklama bilen çäklenmeli bolýar.

Bellenilişi ýaly, hatda gije sagat on ikiden üçe çenli bolan gysga wagtlyk uky hem Premýer-ministre hemişe başardyp durmaýar. Iýul aýynyň köp bölegini diňe resminamalary we hökümet materiallaryny öwrenmäge sarp eden syýasatçy diňe Deňiz gününde — resmi baýramçylyk gününde ukusyny bäş sagada çenli uzaltmaga mümkinçilik tapypdyr.

Syýasatçynyň bu ýagdaýy ýerli hünärmenleriň we syýasatçylaryň arasynda çeňňel aladalanmalary döretdi. Hünärmenleriň pikiriçe, ýeterlik dynç almazlyk milli derejedäki krizisli ýagdaýlarda we möhüm kararlar kabul edilende dolandyryşyň netijeliligine hem-де işjeňligine ters täsir edip biler.

Şol bir wagtyň özünde, Ýaponiýanyň jemgyýetçilik durmuşynda «inemuri» diýlip atlandyrylýan gündizki gysga uky medeniýeti giňden ýaýrandyr. Iş meýdançasynda ýa-da resmi duşuşyklaryň gidişinde irkilmek ýurtdaky zähmet kadasyna görä hormatsyzlyk däl-de, eýsem adamyň gulluk borjyna çuňňur berlenliginiň we çekilýän zähmetiň aýdyň nyşany hökmünde kabul edilýär.