Oýun sanawy
Türkmenistanyň çäginde şu hepde howanyň sowamagy we käbir sebitlerde gar gatyşykly ýagyşyň ýagmagy çaklanylýar. Bu barada Türkmenistanyň Daşky gurşawy goramak ministrliginiň Gidrometeorologiýa gullugy tarapyndan berlen resmi maglumatda bellenilýär.
Aşgabat şäherinde üýtgäp durýan bulutly howa saklanyp, hepdäniň ahyrlarynda az mukdarda gar gatyşykly ýagyş ýagmagy mümkin. Şemal günorta-gündogardan demirgazyk-günbatara tarap öwrülip, tizligi 15 metre çenli ýetip biler. Gijelerine howa −1-den +2 gradusa çenli, gündizlerine bolsa +3-den +11 gradusa çenli maýyl bolar.
Balkan welaýatynda hepdäniň ikinji ýarymynda ýagynly howa garaşylýar. Gijeki temperaturalar −4-den +5 gradusa çenli, gündizlerine bolsa +9–14 gradus aralygynda bolar. Kenarýaka etraplarda howa birneme salkyn saklanar.
Ahal welaýatynda hepdäniň başynda we ahyrynda gar gatyşykly ýagyş ýagyp, gijelerine −5 gradusa çenli sowuk bolup biler, gündizlerine bolsa +12 gradusa çenli maýyl bolar.
Mary we Lebap welaýatlarynda hem Türkmenistanyň beýleki sebitleri ýaly, wagtal-wagtal ýagyn düşer, gündizki temperaturalar +13–14 gradusa çenli ýokarlanar.
Daşoguz welaýatynda bolsa Türkmenistanyň iň sowuk howasy garaşylýar: gijelerine −8 gradusa çenli sowuk bolup, gündizlerine −2-den +7 gradus aralygynda howa saklanar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Şeýle hem okanyň
Blitz