Oýun sanawy
Baky Tylla Bilim Merkezi — Ýaşlary Geljegiň IT Liderlerine Öwürýär
«Baky Tylla» bilim merkezi ýokary synp okuwçylaryny Halkara Informatika Olimpiadasyna (IOI) we dünýäniň öňdebaryjy bäsleşiklerine taýýarlamaga ýöriteleşendir. Merkeziň maksady ýaşlary häzirki zaman sanly döwründe zerur bolan informatika, matematika we algoritmiki meseleleri çözmek boýunça ýokary derejeli bilim bilen üpjün etmekdir.
Bilim merkezinde giňişleýin we strukturaladyrylan okuw ýoly hödürlenýär. Okuw meýilnamasy C++ başlangyç sapaklaryndan başlap, algoritmler we maglumat gurluşlary boýunça okuwlary, soňra bolsa IOI derejesindäki taýýarlygy öz içine alýar. Diňe informatika däl, matematika we iňlis dili boýunça hem okuwçylaryň kämilleşmegine aýratyn üns berilýär.
Sapaklary halkara derejesinde medallara mynasyp bolan tejribeli ýaş mugallymlar alyp barýarlar.
2025-nji ýylyň dowamynda «Baky Tylla» bilim merkeziniň okuwçylary birnäçe halkara üstünliklere eýe boldular:
- Info(1)Cup — 2 bürünç medal
- IATI — 3 bürünç medal
- Zho — 1 bürünç medal
- Al-Khwarizmi — 1 kümüş we 1 bürünç medal
- Informatika boýunça döwlet olimpiadasynda — köpsanly baýrakly orunlar
Bu netijeler ýaşlaryň ýurduny dünýä derejesinde üstünlik bilen tanatmaga goşan möhüm goşandy bolup durýar.
21–23 Awgust aralygynda geçiriljek Kids Expo sergisinde merkez hem çykyş eder. Serginiň dowamynda myhmanlar stend bilen tanyşyp, gyzykly bäsleşiklere gatnaşyp, mugallymlar bilen duşuşyp, kurslar baradaky giňişleýin maglumatlary alyp bilerler. Şeýle hem ýaşlara informatika boýunça ilkinji ädimlerini nädip başlamalydygy barada maslahat berler.
Şeýle hem okanyň
Iň köp görülen
Türkmenistanyň aragatnaşyk ministrligi, intellektual tehnologiýalara, innowasiýa taslamalaryna we häzirki zaman sanly çözgütlere gyzyklanma bildirýän ýaşlary ýüze çykarmak maksady bilen, her ýyl «Sanly çözgüt – 2025» atly innowasiýa taslamalarynyň bäsleşigini gurnalýar.
Häzirki wagtda ýurtda bu bäsleşigiň saýlama tapgyry dowam edýär. Sanly ykdysadyýeti ösdürmek we tehnologiýalary kämilleşdirmek üçin öz goşandyny goşmak isleýän ýaş entýuziastlar bäsleşigiň dürli ugurlarynda öz pikirlerini we taslamalaryny hödürleýärler.
Bäsleşigiň yglan edilmeginden bäri 350-den gowrak sanly taslama, tehnologiýa innowasiýalaryna gyzyklanma bildirýän talyplar, mekdep okuwçylary we beýleki gatnaşýanlar tarapyndan taýýarlanyp, arza edildi.
Bu tapgyrda, Türkmenistanyň Aragatnaşyk ministrliginde, degişli ministrlikleriň we pudak edaralarynyň wekillerinden ybarat bolan bäsleşik aýgytlaýjy komiteti hödürlenen taslamalary tassyklanan düzgünler esasynda bahalandyrýar.
Gatnaşyjylar akylly robotlary, wirtual kömekçileri, ýüz tannyşlyk ulgamlaryny, şeýle hem mobil programmalaryň we sesli komandalaryň üsti bilen dolandyrylýan elektroniki enjamlaryny işläp düzmekde öz ussatlyklaryny görkezýärler.
Bäsleşigiň geçirilmegi ýaş alymlara, programmistlere we talyplara sanly çözgütleriň sosial-ykdysady durmuşa ornaşdyrylmagy babatynda mümkinçilikleriň giňeldilmegine kömek edýär.
Bu başlangyç, yapma akyl tehnologiýalarynyň ösdürilmegine, olaryň ulanylyş usullarynyň kämilleşdirilmegine, şeýle hem sanly hyzmatlaryň giňeldilmegine we önümçilik prosesleriniň uzakdan dolandyrylmagyna gönükdirilendir.
Blitz