Oýun sanawy
Aşgabatda şahyr Amangozel Şagulyýewanyň 85 ýaş toýy dabaraly bellenildi
TDH-niň maglumat bermegine görä, Magtymguly adyndaky Türkmenistanyň Milli sazly-drama teatrynda Türkmenistanyň Gahrymany, şahyr Amangozel Şagulyýewanyň 85 ýaş toýyna bagyşlanan dabaraly çäre geçirildi.
Baýramçylyk teatryň artistleriniň ýerine ýetiren edebi-sazly kompozisiýasy bilen başlandy. Çäräniň dowamynda türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň we Türkmenistanyň Prezidenti Serdar Berdimuhamedowyň gutlag hatlary okaldy.
Gurbanguly Berdimuhamedow adyndaky Mätäç çagalara kömek bermek boýunça Hayyr-sahawat fondunyň bejeriş işleri boýunça wise-prezidenti Oguljahan Atabewa çykyş edip, şahyryň medeniýet we sungaty ösdürmekdäki uly goşandyny belledi.
Çärä Türkmenistanyň halk artisti Jemal Saparowa, heýkeltaraş Saragt Babaýew we beýleki medeniýet işgärleri hem gatnaşdylar.
TÜRKSOÝ halkara guramasynyň sekretariatynda Türkmenistanyň wekili Leýla Owezgeldiýewa çykyş edip, “Türk dünýäsinde zenanlar we söz” atly goşgular ýygyndysynyň dokuz dilde neşir edilendigini habar berdi we onuň ilkinji nusgasyny şahyra gowşurdy.
Dabara tanymal aýdymçylaryň we ýurdumyzyň saz toparlarynyň ýerine ýetiren, şahyryň goşgularyna esaslanýan aýdymlary bilen tamamlandy.
Şeýle hem okanyň
Iň köp görülen
Türkmenistanyň bank ulgamynyň zenan işgärleriniň arasynda döredijilik bäsleşigi geçirildi
Türkmenistanyň Jemgyýetçilik guramalarynyň merkezinde ýurdumyzyň bank pudagynda zähmet çekýän zenanlaryň arasynda döredijilik bäsleşiginiň jemleýji tapgyry geçirildi. Oňa welaýatlaryň hem-de şäherleriň saýlama tapgyrlarynda öňe çykan ýeňijiler gatnaşdy.
Bäsleşigiň ilkinji tapgyrynda gatnaşyjylar Türkmenistanyň bank ulgamyndaky ösüşler, gazanylan sepgitler hem-de 2011–2030-njy ýyllar üçin bank ulgamyny ösdürmegiň Döwlet maksatnamasy esasynda alnyp barylýan işler barada gürrüň berdiler.
Ikinji tapgyrda gatnaşyjylar aýdym, dessan ýa-da goşgular bilen çykyş etdiler. Jemleýji tapgyrda bolsa olar dabaraly saçak taýýarlap, milli naharlaryň taýýarlanylyşyny görkezdiler.
Netijeler boýunça:
-
üçünji orun — Ahal, Lebap welaýatlaryndan we Arkadag şäherinden gelen gatnaşyjylara;
-
ikinji orun — Balkan welaýatyndan we Aşgabat şäherinden gatnaşyjylara;
-
birinji orun — Mary welaýatynyň wekillerine;
-
Baş baýrak — Daşoguz welaýatynyň gatnaşygyna berildi.
Ýeňijiler we baýrak alanlar hormat hatlary hem-de gymmatly sowgatlar bilen sylaglandy.
Bäsleşigiň dabaraly bölegi estrada ýerine ýetirijileriniň aýdym-sazly çykyşlary bilen tamamlandy.
Bäsleşik Türkmenistanyň Merkezi banky, Türkmenistanyň zenanlar birleşiginiň Merkezi geňeşi we Türkmenistanyň kärdeşler arkalaşyklarynyň milli merkezi tarapyndan guraldy. Çäre Parahatçylyk we ynam ýylyna, Türkmenistanyň Garaşsyzlygynyň 34 ýyllygyna, hemişelik bitaraplygyň 30 ýyllygyna, şeýle hem milli manadyň dolanyşyga girizilmeginiň 32 ýyllygyna bagyşlandy.
Blitz