Oýun sanawy
Aziýa futbol konfederasiýasynyň ýaryşlar boýunça komiteti yklymyň iň abraýly klub bäsleşiginiň formatyny özgertmek baradaky täze taslamasyny hödürledi. Teklibe görä, 2026/27 möwsüminden başlap, AFK Çempionlar ligasy Elit (Naýbaşy) ýaryşynyň toparçalaýyn tapgyrynda çykyş etjek toparlaryň sany 24-den 32-ä çenli köpeldiler. Bu özgerişlik Aziýa futbolynyň täjirçilik bähbitlerini artdyrmagy we ýaryşyň geografik çäklerini giňeltmegi maksat edinýär.
Täze düzgünlere laýyklykda, ýaryş öňküsi ýaly Günbatar we Gündogar zolaklara bölünip, her sebitde 16 sany klub bäsleşer. Pleý-off tapgyryna geçmek üçin hem täze ulgam döredildi: her zolakda ilkinji 6 orny eýelän toparlar göni 1/8 finala çykar. 7-nji we 10-njy orunlaryň aralygyndaky klublar bolsa goşmaça saýlama oýunlary arkaly indiki tapgyra geçmek ugrunda göreşer we galan ýollanmalaryň eýesi bolar.
Halkara oýunlaryň senenamasynyň dykyzlygy we türgenleriň fiziki ýagdaýy göz öňünde tutulyp, goşmaça saýlama tapgyryny ornaşdyrmak meselesi birneme yza süýşürildi. Bu täze tapgyr 2026/27 möwsüminde däl-de, indiki ýyllarda futbol senenamasyna giriziler. Ähli özgerişlikler AFK-nyň Ýerine ýetiriji komiteti tarapyndan doly tassyklanandan soňra resmi güýje girer.
Türkmenistanyň futbol klublary häzirki wagtda bar bolan reýting görkezijileri sebäpli bu Elit ýaryşda däl-de, yklymyň ikinji we üçünji derejeli bäsleşiklerinde çykyş ederler. Ýurdumyzyň wekilleri AFK Çempionlar ligasy 2-de we AFK Çagyryş ligasynda öz güýçlerini synarlar. Naýbaşy ýaryşyň giňeldilmegi geljekde türkmen klublarynyň hem reýtingini ýokarlandyrmaga we Aziýanyň iň güýçli toparlarynyň arasyna goşulmaga mümkinçilik döredip biler.
Şeýle hem okanyň
UFC 336 ýaryşynda Karlos Prates bilen Maýkl Moralesiň arasyndaky söweş Islam Mahaçewiň indiki garşydaşyny kesgitlär
26 Okt. 11:00UFC guramasynyň ýarym orta agram derejesindäki çempiony Islam Mahaçewiň indiki garşydaşy 2027-nji ýylyň 30-njy ýanwarynda Torontoda geçiriljek «UFC 336» turnirinde belli bolar. Reýtingde ikinji we üçünji orunlary eýeleýän braziliýaly Karlos Prates bilen ekwadorly Maýkl Moralesiň arasyndaky duşuşykda diňe bir çempionlyk söweşine çykmak hukugy däl, eýsem ýarym orta agram derejesindäki wagtlaýyn çempionlyk guşagy hem orta goýlar. Mahaçewiň ozaokky söweşi awgust aýynda bolup geçipdi we ol irlandiýaly Ian Gerri ýeňip, ozal ýeňil agramda eýelän üstünliklerinden soň täze agramda hem öz titulyny goramagy başarypdy.
UFC-niň ýolbaşçysy Dana Waýtyň bellemegine görä, gurama Mahaçewiň söweşini 2027-nji ýylyň ýanwarynda geçirmegi meýilleşdiripdi, emma russiýaly çempion 8-nji fewraldan 8-nji marta çenli dowam etjek Remezan aýy tamamlanýança oktagona çykmakdan ýüz öwrdi. Çempionyň çykyşlarynda arakesme boljakdygy sebäpli, gurama Prates bilen Moralesiň duşuşygyny wagtlaýyn çempionlyk söweşi derejesine göterdi. Söweşijileriň ikisi hem ýokary netijeleri görkezýärler: Prates yzly-yzyna üç gezek Jeff Nil, Leon Eduards we Jek Della Maddalena ýaly garşydaşlaryny nokauta giden bolsa, Maýkl Morales UFC-de 7 duşuşykda ýeňilmän кеlýär.
Şeýle hem Torontoda geçiriljek «UFC 336» turniriniň çäklerinde guramanyň iň ýeňil agram derejesindäki häzirki çempiony Joşua Wan öz çempionlyk guşagyny goramak üçin oktagona dolanar. Mýanmaly söweşiji çempionlyk ugrundaky duşuşykda Angolada doglan we Portugaliýa wekilçilik edýän Manel Kape bilen güýç synanyşar. Bu giň göwrümli söweş agşamy halkara sport janköyerleriniň uly sabyrsyzlygy bilen garaşýan bäsleşikleriniň birine öwrer.
Blitz